குச்சவெளியில் அடையாளம் தெரியாத நபரின் சடலம்!

திருகோணமலை, குச்சவெளி பகுதியில் அடையாளம் தெரியாத ஒருவரின் சடலம் கண்டுப்பிடிக்கப்பட்டுள்ளது.

ஞாயிற்றுக்கிழமை (23) குச்சவெளி பகுதியிலுள்ள ஹோட்டல் ஒன்றிற்கு முன்பாக சில காயங்களுடன் ஒருவர் விழுந்து கிடப்பதாக பொலிஸாருக்கு தகவலொன்று கிடைத்துள்ளது.

இதனைத் தொடர்ந்து, குறித்த நபரை நிலாவெளி வைத்தியசாலையில் அனுமதித்திபோது, அவர் உயிரிழந்துள்ளதாக வைத்தியர்கள் தெரிவித்துள்ளனர்.

உயிரிழந்தவரின் அடையாளம் இன்னும் உறுதிப்படுத்தப்படவில்லை.

47 முதல் 50 வயதிற்கு இடைப்பட்டவர் எனவும், 5 அடி, 4 அங்குலம் உயரமுடையவர் எனவும், மெலிந்த உடல் அமைப்பு கொண்டவர். அவரது தலைமுடி பக்கவாட்டில் சீவப்பட்டுள்ளது எனவும், நீல நில சாரம் அணிந்துள்ளதாகவும் பொலிஸார் அடையாளப்படுத்தியுள்ளனர்.

வலது காலில் காயம் ஏற்பட்ட அடையாளம், காணப்படுவதாகவும் தெரிவிக்கப்படுகிறது.

உயிரிழந்தவரின் சடலம் திருகோணமலை வைத்தியசாலையின் பிரேத அறையில் வைக்கப்பட்டுள்ளது.

இந்த சம்பவம் தொடர்பான மேலதிக விசாரணைகளை குச்சவேலி பொலிஸார் மேற்கொண்டு வருகின்றனர்.