இலங்கையில் 56 உயிர்கள் இயற்கைச் சீற்றத்தால் பலி!

இலங்கையை மையங்கொண்டு நகர்ந்துவரும் புயல், மழை உட்பட்ட அதிதீவிர வானிலையால் உயிரிழந்தவர்களின் எண்ணிக்கை 56 ஆக அதிகரித்துள்ளது.

அத்துடன் 21 பேர் காணாமல் போயுள்ளதாக இடர் முகாமைத்துவ மத்திய நிலையம் தெரிவித்துள்ளது.

இதேவேளை, முல்லைத்தீவு மாவட்டம் உட்பட்ட பல பகுதிகளில் தொலைத் தொடர்புகள் முற்றாகத் துண்டிக்கப்பட்டுள்ளமையால் இழப்புக்கள் குறித்த முழுமையான விபரங்கள் வெளியாகவில்லை.

வவுனியா மாவட்டத்தில் பெருமளவான மக்கள் வெள்ளத்தில் சிக்குண்டு உதவிக் கரம் கோரியிருப்பதாகவும் ஏராளமான வீடுகள் வெள்ளத்தில் மூழ்கிய நிலையில் பெரும் சொத்தழிவுகள் ஏற்பட்டுள்ளதாகவும் அங்கிருந்து கிடைக்கும் தகவல்கள் தெரிவிக்கின்றன.