கடவுச் சீட்டு விண்ணப்பங்களை விரைவுபடுத்த தரகர்களுக்கு பணம் செலுத்தவேண்டாம்!

குடிவரவு- குடியகல்வு திணைக்களத்தின் கடவுச்சீட்டு விண்ணப்பங்களை சமர்ப்பிக்க அல்லது செயல்முறையை விரைவுபடுத்த தரகர்களுக்கு பணம் செலுத்த வேண்டாம் என்று பொதுமக்களுக்கு அறிவுறுத்தப்பட்டுள்ளது.

திணைக்களத்தின் வளாகத்துக்குள் அல்லது வெளியே செயல்படும் தரகர்களுக்கு பணம் கொடுக்க வேண்டாம். கடவுச்சீட்டு கட்டணங்களுக்கு பணம் செலுத்தும் இடத்தில்
மாத்திரம் அதனை செலுத்தி உத்தியோகபூர்வ பற்றுச்சீட்டை பெற்றுக்கொள்ளுங்கள் என்றும் கூறப்பட்டுள்ளது.

வழமையான மற்றும் ஒரு நாள் கடவுச்சீட்டு சேவைகளுக்கான டோக்கன் அட்டைகள் தற்போது தினமும் காலை 6:30 மணி முதல் பிற்பகல் 2:00 மணி வரை வழங்கப்படுகின்றன என்பதும் குறிப்பிடத்தக்கது