2025ஆம் ஆண்டின் முதல் ஐந்து மாதங்களில் இலஞ்சம் அல்லது ஊழல் பற்றிய சார்த்துதல்களை புலனாய்வு செய்வதற்கான ஆணைக்குழுவிற்கு சுமார் 2,000க்கும் மேற்பட்ட முறைப்பாடுகள் வந்துள்ளதாக தெரிவித்துள்ளது.
ஜனவரி 1 முதல் மே 31 வரை, மொத்தம் 2,138 புதிய முறைப்பாடுகள் ஆணையத்தில் பதிவு செய்யப்பட்டுள்ளன.
2024 முதல் நிலுவையில் உள்ள முறைப்பாடுகள் உட்பட, தற்போது ஆணையத்தின் கீழ் உள்ள மொத்த வழக்குகளின் எண்ணிக்கை 2,221 ஆகும்.
இவற்றில், 224 முறைப்பாடுகள் முறையான விசாரணைக்கு அனுமதிக்கப்பட்டுள்ளன.
அதே நேரத்தில், 524 முறைப்பாடுகள் ஆதாரங்கள் இல்லாதது அல்லது இலஞ்சச் சட்டத்திற்குப் பொருத்தமற்றது என்பதால் தள்ளுபடி செய்யப்பட்டன.
மேலும், 282 புகார்கள் பின்தொடர்தலுக்காக பிற தொடர்புடைய நிறுவனங்களுக்கு பரிந்துரைக்கப்பட்டுள்ளன.
இந்தக் காலகட்டத்தில் 44 சோதனைகள் நடத்தப்பட்டதாகவும், 25 நடவடிக்கைகளில் 31 பேர் கைது செய்யப்பட்டதாகவும் ஆணையத்தின் முன்னேற்ற அறிக்கை வெளிப்படுத்துகிறது.
மேலும், முன்னாள் அமைச்சர், முன்னாள் எம்.பி., முன்னாள் துறைமுகக் கூட்டுத்தாபனத் தலைவர், முன்னாள் முதலீட்டு வாரிய இயக்குநர் ஜெனரல் மற்றும் 11 பொலிஸ் அதிகாரிகள் உட்பட 45 நபர்களுக்கு எதிராக மேல் நீதிமன்றத்தில் 42 வழக்குகள் தாக்கல் செய்யப்பட்டுள்ளன.
முன்னாள் அமைச்சர், முன்னாள் சதோச தலைவர் மற்றும் மாகாண முதலமைச்சர் போன்ற உயர்மட்ட நபர்கள் சம்பந்தப்பட்ட 19 தண்டனைகளையும் ஆணையம் இதே காலகட்டத்தில் தெரிவித்துள்ளது.
தற்போது, ஆணையத்தால் தாக்கல் செய்யப்பட்ட ஊழல் தொடர்பான 272 வழக்குகள் நீதிமன்றங்களில் நிலுவையில் உள்ளன.
Leave a comment