கொழும்பில் அமெரிக்க கடற்படைக் கப்பல்!

அமெரிக்க கடற்படைக்கு சொந்தமான யுஎஸ்எஸ் சண்டா பார்பரா (USS Santa Barbara) என்ற கப்பல் விநியோக மற்றும் சேவை தேவைகளை பூர்த்தி செய்ய கொழும்பு துறைமுகத்தை வந்தடைந்தது

அமெரிக்க கடற்படையின் இந்த கப்பல் இன்று (16) காலை கொழும்பு துறைமுகத்துக்கு வந்த நிலையில், இலங்கை கடற்படையினர் கடற்படை மரபுகளின்படி அதனை வரவேற்றனர்.

கொழும்பு துறைமுகத்தை வந்தடைந்துள்ள Littoral Combat வகைக் கப்பலான யுஎஸ்எஸ் சண்டா பார்பரா, அமெரிக்காவின் 7வது கடற்படைப் பிரிவைச் சேர்ந்த ஒரு கப்பலாகும்.

இந்த கப்பல் நாட்டில் தங்கியிருக்கும் காலப்பகுதியின் போது, அதன் அங்கத்தவ குழுவினர்கள் நாட்டின் முக்கியமான இடங்களைப் பார்வையிட பல பகுதிகளுக்குச் செல்ல திட்டமிடப்பட்டுள்ளனர்.

உத்தியோகபூர்வ விஜயத்தை நிறைவு செய்து எதிர்வரும் 22ஆம் திகதி நாட்டிலிருந்து புறப்பட திட்டமிடப்பட்டுள்ளது.